نوسینگه‌ی‌ ڕۆژنامه‌وانی‌

 به‌بۆنه‌ی‌ هاتنی مانگی ره‌مه‌زانی پیرۆز، پیرۆزبایی ئاراسته‌ی‌  سه‌رجه‌م مسوڵمانانی كوردستان  ده‌كه‌ین و له‌خوای‌ گه‌وره‌ داواكارین، ئه‌م مانگه‌ پیرۆزه‌ بێته‌‌ مایه‌ی‌ خێرو خۆشی‌ بۆ هه‌مولایه‌ك و پته‌وكردنی‌ ناوماڵی‌ كورد و  یه‌كێتی و یه‌كڕیزی سه‌رجه‌م لایه‌نه‌كانی‌ به‌دوادا بێت. 

ئومێده‌واریشین، كۆی‌ ئه‌و قه‌یرانانه‌ی‌ به‌رۆكی‌ هه‌رێمی كوردستان گرتوه‌، ‌ بڕه‌وێته‌وه‌و خۆشی و شادی رو له‌ هاوڵاتیان بكات و سه‌ركه‌وتنی یه‌كجاری پێشمه‌رگه‌ به‌سه‌ر تیرۆریستانداو رزگاركردنی سه‌رجه‌م خاكی كوردستانی‌ لێبكه‌وێته‌وه.‌

هه‌ر له‌م بۆنه‌ پیرۆزه‌دا، جارێكی‌ تر سه‌ری‌ رێز و وه‌فا بۆ شه‌هیدانی به‌رگری‌ له‌ خاكی كوردستان داده‌نوێنین و هیوای‌ زو چاكبونه‌وه‌ش بۆ برینداره‌كان ده‌خوازین.

ئارام شێخ محه‌مه‌د

جێگری‌ سه‌رۆكی ئه‌نجومه‌نی نوێنه‌رانی عێراق

پێنجشه‌ممه‌ 18/ 6/ 2015